Doston ne "Maa tere haathon k sparsh ki kami mehsoos karta hoon" kavita ki kaafi tareef kar di hai...ab isliye kuch aur kavitaaon se unhe impress karna chahta hun.
Sacchi!!!
Ye poem maine apne life k one of the most 'Rondu'(Weeping) days me likhi thi so iska tone bhi 'rondu' hi hai!!!


"Kal tak bin mere karaahe bhi tum,
Marham tayyar rakhti thi;
Aaj mujhe zakhm dene ko
Khanzar uthaye baithi ho!!!

Jo bhi ilzaam madhe tumne
Hum sar-aankhon pe lete hain;
Jo bhi saza ab chahe dedo,
Hum adhikaar tumhe ye dete hain
Bas waapas laut aao tum
Tum bin akela ho gaya hun main
Bhatak raha hun tanha tanha
Jeevan ki raah bhi kho gaya hun main

Sang tumhare,
Mere hothon ki hansi bhi chali gayi
Mann ka josh bhi madhim hai
Nashen bhi shithil si ho gayi!
Kaise main ye maanu ki
Main tumhare liye kuch nahi raha!
Sach kaise ho sakta hai
Wo sab jo tumne mujhse kaha!

Kya ye andhera bas ek amaawasi raat hai?
Ya suraj sachmuch gart me chala gaya hai?"